"Эль Класико"да барча масала сўнгги дақиқада ҳал бўлди ёхуд "Реал Мадрид" - "Барселона" 2:3
24 апр 2017 01:40
Янгиликлар

"Эль Класико"да барча масала сўнгги дақиқада ҳал бўлди ёхуд "Реал Мадрид" - "Барселона" 2:3

Испания чемпионати доирасидаги "Реал Мадрид" - "Барселона" учрашуви бўлиб ўтди.

Ўйиннинг 28-дақиқасида бурчак тўпидан сўнг Серхио Рамос тўпни дарвозага йўллади, зарба дарвоза устунига тегиб қайтди, қайтган тўпни Каземиро бўш дарвозага йўллаб ҳисобни очди - 1:0.

Орадан кўп ўтмай Лионель Месси рақиб жарима майдони ёнида икки рақибни алдаб Кейлор Навас дарвозасини ишғол қилди - 1:1.

73-дақиқада Тони Кроосни алдаган Иван Ракитич чап оёғида дарвозанинг узоқ устуни ёнига зарба бериб гол урди - 1:2. Учрашув тугашига 5 дақиқа қолганида Чап қанотдан узатилган тўпни Хамес Родригес яқин масофадан гол уриб ҳисобни тенглаштирди - 2:2.

Ҳакам томонидан қўшиб берилган сўнгги иккинчи дақиқада Албанинг пасидан сўнг Месси кучли зарба билан гол урди ва "Барселона"га ғалаба келтирди - 2:3.

"Реал Мадрид" - "Барселона" 2:3
МАТНЛИ ТРАНСЛЯЦИЯ
23 апрель. Мадрид. "Сантьяго Бернабеу" стадиони.
Бош ҳакам - Алехандро Эрнандес (Санта-Крус-де-Тенерифе).
Голлар: 1:0 – 28 Каземиро, 1:1 – 33 Месси, 1:2 – 73 Ракитич, 2:2 – 85 Хамес, 2:3 – 90 Месси.
Реал Мадрид – Навас, Карвахаль, Начо, Марсело, Рамос, Кроос, Модрич, Каземиро (Ковачич, 70), Бэйл (Асенсио, 39), Бензема (Хамес, 82), Роналду.
Барселона – тер Стеген, Пике, Умтити, Альба, Серджи Роберто, Бускетс, Ракитич, Иньеста, Пако Алькасер (Андре Гомеш, 70), Суарес, Месси.
Огоҳлантиришлар: Каземиро (12), Умтити (39), Ковачич (81), Месси (90).
Четлатиш: Рамос (77).