Эдгар Гесс: “Бухоро” яхши жамоа сифатида шаклланяпти”

- Ўйлайманки, бугун намойиш этилган футбол мухлисларга жудаям ёқди. Секин-аста сифатли майдонга қайтяпмиз. Шунингдек, ўйин даражамиз ҳам ўсиб боряпти. “Бунёдкор”нинг олдинги чизиғида баланд бўйли ҳужумчилар тўп тепишди. Айниқса, Пишур иккинчи қаватдаги якка курашларнинг деярли барчасида устунлик қилди. Ҳимоячиларимиз эса бўйдор ҳужумчиларга қарши юқоридаги курашларда енгилишди. Рақибнинг голида ҳам айнан Пишурнинг бўйи қўл келди. “Бунёдкор”га муносиб қаршилик кўрсатдик, деб айта оламан. Ҳисоб ўйинга мос бўлди. Жангавор ўйин ва шунга яраша ҳисоб. Жамоамизда шижоат бор. “Бухоро” яхши жамоа сифатида шаклланаётганини мухлисларимиз бугунги ўйин орқали кўриб олишди, - дейди Эдгар Яковлевич.