Учрашувларнинг ҳисобини ушбу саҳифа орқали онлайн тарзда кузатиб боринг:
"Бавария" учрашувни катта устунлик билан ўтказди. Мюнхенликлар баҳсда тезкор гол киритиб олишди. Роберт Левандовскининг голидан кейин "Бавария" анчагина хотиржам ўйнаб, рақибини мағлуб эта олди.
"Сити"нинг мағлубиятини кутилмаган деса бўлади. Жамоа ўз майдонида яхши ўйин кўрсатган бўлса-да, ғалабани ўз томонига оғдира билмади. Корне ва Фекирнинг голларига "шаҳарликлар" таркибидан Бернарду Сильва жавоб қайтара олди.
Хулен Лопетеги ўз жамоасини анчагина кучайтириб олгани кўринди. "Реал" анчагина босиқлик билан ҳаракат қилди. "Рома" Иско, Бэйл ва Диаснинг голларига жавоб бера олмади. "Қироллик клуби" футболчилари кўплаб вазиятлардан фойдалана олишмади.
Бу баҳснинг ғолибини олдиндан айтиб бўлмасди. "Виктория" ва ЦСКАнинг кучини тенг деб баҳоланганди. Мезбонлар дастлабки бўлимда икки гол уриб олганди. Аммо иккинчи таймда шунча гол қўйиб юборишди. ЦСКА сафардан бир очко билан қайтадиган бўлди.
Учрашувнинг 29-дақиқасида "Ювентус" ҳужумчиси Криштиану Роналду қизил карточка олди. Шундай бўлса-да, "Ювентус" рақибидан ҳар жабҳада устунлик қилди ва 2 гол киритиб, ғолибликни тантана қилди. Учрашувнинг сўнгги дақиқасида Войцех Шенсни пенальтини қайтарди ва жамоасининг "қуруқ" ўйин ўтказишида ўз ҳиссасини қўшди.
Жозе Моуриньо бошчилигидаги "Юнайтед" бу ўйиннинг фаворити эди. Бу ўйинда МЮ "автобус" қўймади ва ҳужумкор ўйин намойиш қилиб, ғолибликка эришди. Учрашувда дубль қайд этган Погба, бир голга ассистентлик қилди.
