70 ёшли мутахассис жамоанинг Жаҳон чемпионатидан чиқиб кетиши юзасидан бир соат-у қирқ дақиқалик матбуот анжумани ўтказди. У анжуманга қўлида ҳужжатлар папкаси билан келди.
Уругвайликлар гуруҳдан чиқа олишмади: Саудия Арабистони (1:1) ва Кабо-Верде (2:2) билан дуранг қайд этиб, Испанияга (0:1) имкониятни бой беришди.
Уругвайнинг натижалари ҳақида: "Гуруҳ босқичини нега айнан 7 очко билан якунлашимиз керак бўлганини аъло даражада тушунтириб бера оламан. Саудия Арабистонини мағлуб этишимиз, Кабо-Верде устидан ғалаба қозонишимиз ва Испания билан дуранг ўйнашимизни кўзда тутмайдиган ҳеч қандай жиддий, пухта ўйланган ва асосли таҳлил мавжуд эмас".
Жамоада бирдамлик йўқлиги ҳақидаги тахминлар ҳақида: "Биз Саудия Арабистонидан 20 фоизга, Кабо-Вердедан 30 фоизга ва Испаниядан 25 фоизга кўпроқ нарсани кўрсатиш учун етарлича бирлашган эдик", – деди Бьелса.
