Достон Ҳамдамов: "Уч очко осонликча қўлга киритилмади"

Стадионга ташриф буюрган ишқибозлар қизиқарли ўйин гувоҳи бўлишди. Якунда пойтахт жамоасининг ғалабаси билан якунланган беллашувдан сўнг Достон Ҳамдамов фикрларини билдириб ўтди. 

"Биринчи ўринда ғалаба билан жамоамизнинг мухлисларини табриклайман. Ўйин яхши, кескин ва биз кутгандек бўлди. Турдан турга ўйинимизни кучайтиришга эътибор қаратамиз. Гарчи йирик ҳисобда ғалаба қозонган бўлсакда, уч очко осонликча қўлга киритилмади.  "Бухоро" билан учрашувдаги хатолар устида ишлагандик. Эрен Дердийок билан ўзаро бир-биримизни тушунишимиз яхши кечмоқда. Мухлисларнинг камлиги ажаблантирмади. Келиш ёки келмаслик уларнинг хоҳиши. Қолаверса, баҳс телевизор орқали жонли эфирда намойиш этилган. Экран ортида ҳам минглаб ишқибозлар борлигига шубҳам йўқ", деди Ҳамдамов. 

Абдулазиз Искандаров ёзиб олди