Италия терма жамоаси дарвозабони Жанлуижи Доннарумма ПСЖ клуби билан шартнома имзолади.
Журналист Фабрицио Романонинг айтишича, Жижи Париж клуби қароргоҳига етиб келган ва яқин орада ушбу трансфер расман эълон қилинади.
Бироқ 22 ёшли посбон аллақачон клуб билан 2026 йилгача мўлжалланган шартнома имзолаб бўлган.
Доннарумма ўтган мавсум "Милан" сафида 48 учрашув ўтказиб, ўз дарвозасидан 54 та тўп ўтказиб юборган.
У терма жамоаси билан биргаликда Европа чемпиони бўлди ҳамда мусобақанинг энг яхши футболчиси деб топилди.
