Виктор Гёкереш МЮга ўтадими? Унинг ўзи жавоб берди
17 ноя 15:19
Янгиликлар

Виктор Гёкереш МЮга ўтадими? Унинг ўзи жавоб берди

"Спортинг" ҳужумчиси Виктор Гёкереш мавсум якунига қадар жамоасида қолмоқчи.

Олдинроқ Рубен Аморимнинг МЮда иш бошлаганидан кейин Португалия клуби тўпурари ҳам Манчестерда пайдо бўлиши ҳақида маълумотлар пайдо бўлганди.

"Бу ҳақда ўйламаяпман. Миш-мишлар ҳеч нима дегани эмас. Албатта, "Спортинг"да мавсумни якунлашни истайман, бу ер менга ёқади. Бу хабарлардан кейин фикрларимда ҳеч қандай ўзгаришлар бўлгани йўқ.
Аморимнинг ўзида ҳам яхши ҳужумчилар етарлича. Унинг "Спортинг"дан кетгани биз учун ёмон бўлди. У мен учун кўп нарсаларни англатарди. Чунки Рубен менинг ривожланишим учун кўп имкониятлар берди.
Энди янги мураббийлар штаби билан ишлашни интиқлик билан кутяпман.
Айни дамда янги жамоа борасида ўйламаяпман. Асосийси - ўйин амалиёти. Бошқа факторлар ҳам бор, шу сабабли буни вақти келганда ўйлайман", - деди Дьокереш.

Ушбу мавсумда Дьокереш Португалия чемпионатида 11 ўйинда 16 гол ва 1 ассист қайд этди.

Ҳавола :

Манба : Fotbollskanalen

Янгиликларни Телеграмда ўқинг!

Рейтинг: +4