"Динамо" стадионида янги прожектор лампалари ўрнатилмоқда

Стадионда таъмирлаш ишлари олиб борилганидан кейин янги лампалар олиб келиш бўйича шартнома имзоланди. Бироқ янги чироқларнинг келтирилиши белгиланган муддатдан бироз кечикди. Куни кеча "Динамо" стадиони учун буюртма қилинган янги прожекторлар юртимизга етиб келди ва сўнги икки кун давомида Самарқандда янги лампаларни ўрнатиш ишлари олиб борилди. Кеча янги лампаларнинг дастлабки қисми ўрнатиб бўлинди. 11 август куни тунда Лига комиссари "Динамо" стадиони ёритиш тизимини ўлчаш ишларини олиб борди ва ҳозирда прожекторлар ёритиш даражаси 1665 люксни кўрсатмоқда.

Стадионга янги чироқларнинг иккинчи партиясини ўрнатиш ва сўнгра уларни созлаш ишлари яна 4 кун давомида олиб борилади ва якунда стадионнинг ёритиш даражаси Лига талаб қилганидек 1800 люксга етказилади.