"Динамо" қачон гол уради?

Камо Газаров бошчилигидаги жамоа иккинчи давранинг учта ўйинининг барчасида мағлуб бўлди. Бундан ташқари самарқандликлар мана шу учта баҳсда рақиблари дарвозасига биронта ҳам гол ура олишмади.

"Насаф" (0:5) ва "Сўғдиёна"га (0:1) қарши ўз майдонида, "Металлург" (0:3) билан сафардаги ўйинларда "арсонлар" сафида гол ура оладиган футболчи топилмади.

"Динамо" охирги марта биринчи давранинг сўнгги турида "Навбаҳор"га қарши ўйинда гол урганди (2:0). Ўша учрашувнинг 80-дақиқасида Ғулом Ўрунов томонидан киритилган тўп ҳозирга қадар жамоа учун сўнггиси бўлиб турибди.

Демак, 280 дақиқадан буён "Динамо" гол ура олмаяпти.

Кейинги турда жамоа Тошкентда "Бунёдкор" меҳмони бўлади.