"Динамо" мухлислари Қаршига боришади
19 окт 2017 15:09
Янгиликлар

"Динамо" мухлислари Қаршига боришади

«Динамо» жамоасини ҳар қандай ҳолатда ҳам ёлғиз қолдирмайдиган самарқандлик футбол мухлислари бу турда Қаршига сафар қилишади.

Хабарингиз бор, севимли «Динамо» жамоаси Олий Лига 25-тури доирасида Қаршида «Насаф» жамоаси меҳмони бўлади. 20 октябрь, жума кунги «Насаф» - «Динамо» учрашувида севимли жамоамизни Қаршидаги «Марказий» ўйингоҳида қўллаб-қувватлашни истаган «Динамо» ишқибозлари бизга ҳамроҳ бўлишлари мумкин.

«Динамо» ишқибозлари 20 октябрь, жума куни соат 13:45 да Хўжа Аҳрори Вали масжиди (Сельский круги) олдида тўпланиб, 14:00 да автобус билан Қарши шаҳрига жўнаб кетишади.

Батафсил маълумот учун, «Динамо» мухлислари фаоли Шавкат Бурҳоновга (+998 97 920 24 40) мурожаат этишингиз мумкин.

Эслатиб ўтамиз, «Насаф» - «Динамо» учрашуви 20 октябрь куни соат 18:00 да бошланади.