Диего Марадонанинг либоси кимошди савдосига қўйилади

Аргентиналик футболчининг 1986 йилги жаҳон чемпионатида Англияга қарши ўйнаган футболкаси бўлажак харидорга тахминан 5,25 миллион долларга тушиши айтилмоқда. 

Ўша ўйинда Марадона қўли билан гол урганди, кейинчалик бу гол "Худонинг қўли" атаган. Шунингдек, ушбу учрашувда Марадона ўз майдонидан бошлаб бир қанча рақибларини алдаб ўтганча, "Аср голини" киритганди.

Ҳозирда ушбу либос Англия терма жамоасининг собиқ ярим ҳимоячиси Стив Хожга тегишли бўлиб, у ўша ўйиндан кейин Марадона билан футболка алмаштирганди.

Онлайн аукционлар 20 апрелдан 4 майгача давом этади. Ушбу давр мобайнида футболка Лондондаги Sotheby’s кўргазмасида намойиш этилади.

Ҳозирда ким ошди савдосида сотилган энг қиммат футболка бу "Янкис"нинг собиқ бейсболчиси Бэйб Рутнинг либоси ҳисобланади. Унинг нархи 5,64 миллион долларни ташкил қилган.