Де Йонг ва Депай Лондонга учиб кетди

El Chiringuito'нинг твиттер саҳифасида Френки де Йонг ва Мемфис Депайнинг аэропортга кираётгани акс этган видеоролик тарқалди. Улар Лондонга учишган. Ўйинчиларнинг ўзи журналистларнинг саволларига жавоб беришмади.

Журналист Сэмюэл Марсденнинг ёзишича, Каталония клуби ўйинчиларига икки кунлик таътил берилган. Де Йонг ва Депайнинг Лондонга кетиши уларнинг Англия клубларига ўтиши билан боғлиқ эмас.

Футболчилар катта эҳтимол билан Англияга Нидерландия терма жамоасидаги шериклари Донни ван де Бекнинг тўйига боришган.