Даврон Файзиев: "Илк бор "Бунёдкор"ни мағлуб этганимиздан жуда хурсандман"

"Бутун жамоамизни, мухлисларни, раҳбариятни, бизга ишонган барчани табриклайман. Ишончни оқладик деб ўйлайман. Ўйин қизиқарли бўлди. Худди "Машъал"га қарши тайёрлангандек тайёрландик. Тайёргарлигимиз ўз мевасини берди", - дейди Файзиев.

"Энди кейинги ўйинларга тайёрланиш керак. Бугунги кун тарихга кирди. Сабаби эрталаб учрашув превьюсини кўргандим. "Сўғдиёна" йирик ҳисобларда ютқазгани, атига битта гол урилгани... Йигитларга бугун ғалаба қозонсак тарихга киришимизни таъкидладим. 8 йил давомида биринчи бор "Бунёдкор"дан очко тортиб олди. Шу мени жуда ҳам хурсанд қилди. Мусобақа жадвалида ҳам бироз бўлса ҳам аҳволимизни яхшилаб олдик".

"Учта ҳужумчи билан ўйнадик. Ҳимояланганимизда Анвар Ражабов орқароққа қайтиши керак эди. У бор кучи билан ўйнади. Марказда узилишлар бўлгани рост. Лекин йигитларимга эътирозим йўқ. Камчиликларни ўрганиб чиқамиз".

"Олександр Каблаш билан ҳозиргача гаплашиб турамиз. Агар имконият бўлса уни жамоага чақирамиз. Ҳужум чизиғида рақобат кучайишини истаймиз".

Жасур Ҳакимов: "Мухлисларнинг қўллаб қувватлашди, мураббийлар ишончи. Бугун жамоавий ғалабага эришдик. Шунчаки мен гол урдим, бу голларда барчанинг хиссаси бор". 

Жасур Ҳакимов: "Даврон Файзиев ёшларга ишонадиган мураббий. Мағлуб бўлсак ва футболчи хато қилса уни захирага ўтказиб қўймайди. Шу ҳислатларини қадрлайман".