Давор Шукер: “Ҳар қандай ҳолатда ҳам “Реал” 1-ўринни бой бермаслиги керак”
07 мар 2020 01:29
Янгиликлар

Давор Шукер: “Ҳар қандай ҳолатда ҳам “Реал” 1-ўринни бой бермаслиги керак”

“Реал”нинг собиқ ҳужумчиси Давор Шукер ЕЧЛ 1/8 финалида “Сити”га қарши кечадиган баҳс ва қироллик клубининг келажакдаги ўйинлари ҳақида ўз мулоҳазаларини билдириб ўтди.

“Чемпионлар лигасида омад кўп ҳолларда асосий ролда бўлади. У кўп ҳолларда “Реал”га кулиб боққанди, аммо “Сити”га қарши биринчи баҳсда эмас...

Албатта, жавоб ўйини осон бўлмайди. Аммо “шаҳарликлар”га муаммо туғдириш учун имконият бўлади. “Манчестер Сити” бир неча йилларда буён ушбу турнирда ғолиб чиқиш учун ҳаракат қилиб келмоқда.

“Барселона” устидан қозонилган ғалаба “қаймоқранглилар”га ишонч ва ўзларига бўлган ҳурматни қайтарди. Биз якшанба куни “Сантяьго Бернабеуда” юз берган ҳолатларни қайтаришимиз керак. “Реал” ҳар қандай ҳолатда ҳам Ла Kигада пешқадмликни бой бериши керак эмас. Испания чемпионлиги бизники бўлиши лозим.

Жамоа бор куч ва маҳоратини кўрсатиб? ушбу манзилга қадар етиб келди. Энди мавсум якунига қадар ташаббусни ўз қўлида сақлаб туриши лозим бўлади. “Барселона”га ҳам осон эмас, улар “Реал”ни таъқиб этишлари лозим. Классикодаги мағлубият доим ўз асоратини қолдиради”, дейди Шукер.

Ҳавола :

Манба : Marca

Янгиликларни Телеграмда ўқинг!

Рейтинг: +14