Дани Алвеш учун гаров пулини қайси футболчи тўлагани маълум бўлди. Бу — Неймар эмас!
26 мар 2024 07:50
Янгиликлар

Дани Алвеш учун гаров пулини қайси футболчи тўлагани маълум бўлди. Бу — Неймар эмас!

«Атлетико» ҳужумчиси Мемфис Депай «Барселона»нинг собиқ ҳимоячиси Дани Алвешга 1 миллион евро гаров эвазига қамоқдан чиқиши учун ёрдам берди, деб ёзади Dailysports.

Манбага кўра, Дани Алвешнинг ўзи қарзлар ва музлатилган банк ҳисоблари туфайли гаров пулини тўлай олмади. Мемфис Депай бразилиялик футболчи билан 2021/2022 йилги мавсумда «Барселона» сафида ҳаракат қилган.

слатиб ўтамиз, суд зўрлашда айбланиб, 4,5 йилга қамалган "Барселона" собиқ ҳимоячисини 1 млн. евро гаров эвазига озод қилишга рози бўлган эди. Аммо футболчининг паспорти олиб қўйилади ва у ҳар ҳафта судда кўриниш бериб туриши лозим.