Дани Алвеш шахсий автомобилидан ажралди
13 фев 2020 22:41
Янгиликлар

Дани Алвеш шахсий автомобилидан ажралди

"Globo" нашри хабарига кўра, "Сан-Паулу" ҳимоячиси Дани Алвешнинг автомошинаси ўғирлаб кетилган.

Воқеа Сан-Паулунинг Пиньейрос туманида жойлашган автомобиллар тураргоҳида рўй берган. Футболчининг қайси русумдаги машинаси муҳокама қилинаётгани маълум қилинмаган. Таъкидланишича, Алвешнинг ўзи аллақачон мазкур талончилик юзасидан полиция идораларига мурожаат қилган.

Эслатиб ўтамиз, Дани Алвеш Европадаги 16 йиллик (2003-2019 йилларда, "Севилья", "Барселона", "Ювентус", ПСЖ) фаолиятидан кейин Бразилияга қайтиб, "Сан-Паулу" клуби шарафини ҳимоя қила бошлаганди.