Дани Алвес - дунё рекордчиси!

31 март куни парижликлар Франция лига Кубоги финалида "Монако"ни 3:0 ҳисобида таслим этишди. Бу ғалаба ПСЖнинг турнирдаги кетма-кет бешинчиси бўлди, Дани Алвес эса фаолиятидаги 36-жамоавий совринни қўлга киритди.

Шундай қилиб, Дани Алвес "Манчестер Юнайтед"нинг уэльслик ярим ҳимоячиси Райан Гиггз ва "Ливерпуль" форварди Кенни Далглишлардан ўзиб кетди. Бу икки собиқ футбочилар фаолиятини якунлаганида 35та соврин қўлга киритган эди.

Бразилиялик 7 марта миллий чемпионатларда, (Испания - 6, Италия - 1), 6 марта миллий кубокларда (Испания - 5, Италия - 1), 6 марта миллий Суперкубокларда (Испания - 5, Франция - 1), Лига Кубогида (Франция), Нордесте Кубогида (Бразилия), 3 марта Чемпионлар лигасида ("Барселона"), икки марта УЕФА Кубогида ("Севилья"), 4 марта УЕФА Суперкубогида ва 3 марта клублар ўртасидаги жаҳон чемпионатида ғолиб чиққан.

34 ёшли Алвес Бразилия терма жамоасида Америка Кубогида ва икки бора Конфедерациялар Кубогида зафар қучди.

Футболчи ҳеч бўлмаса бир ўйинда иштирок этган расмий турнирлар ҳисобга олинган.