UZ

Сўнгги янгиликлар

19:11"Арсенал" Йозуа Киммихга қизиқмоқда  0 18:55Суперлига. "Динамо" – "Металлург" (матнли трансляция)  0 18:15ПРО лига. Тошкентда ўтган "Бухоро" - "Хоразм" учрашувида дуранг қайд этилди  13 17:43Винченцо Итальяно мавсум охирида клубдан кетади  0 17:25Альфонсо Дэвис "Бавария" билан янги шартнома имзоламайди  0 17:01"Бунёдкор" янги бош мураббий номини эълон қилди  13 16:20"Евро-2024"да ҳеч ким Англия билан тенглаша олмайди"  8 15:57"Қизилқум" "Локомотив" билан ўйин учун қайдномасини эълон қилди  0 15:26Суперлига. 4-тур учрашувларини ўтказиб юборадиган футболчилар  4 15:10Маркус Рэшфорд Евро-2024га бора олмаслиги мумкин  1 14:38Парехо Винисиус ҳақида: "Ажойиб спортчи, аммо ўйинчилар ўзини футболга бағишлаши керак. Мени пиёниста дейишарди, лекин бунга эътибор бермаганман ва жавоб қайтармаганман – бундай одамлардан юқорироқ бўлиш зарур"  1 13:47Суперлига. 9та клуб дастлабки 3та турда фақат бир хил формадан фойдаланди. Бунга сабаб нима?  5 13:44"Манчестер Юнайтед" "Реал" футболчисини сотиб олмоқчи  1 13:23Хавининг дисквалификацияси бўйича апелляция рад этилди   1 12:50Ўзбекистон кубогининг саралаш босқичига қуръа ташланди  5

Дамир Низанов: "Нефтчи" барибир "Нефтчи" Янгиликлар

Дамир Низанов: "Нефтчи" барибир "Нефтчи"

Иқтидорли футболчи Дамир Низанов сўнгги йилларда Олий лиганинг бир қатор жамоалари сафида фаолият олиб келмоқда.

Маҳоратли ёш ярим ҳимоячи расман "Нефтчи" жамоасига тегишли бўлсада, бугунги кунга келиб Самарқанднинг "Динамо"сида тўп сурмоқда. Фарғонада етарли ўйин амалиёти эга бўлмаётган Дамирни "Нефтчи" мураббийлари штаби жамоадоши Абдужамол Исроилов билан биргаликда Самарқанд клубига ижарага беришди. Жорий мавсумда "Ўзбек Лестери" дея эътироф этилётган самарқандликларнинг ушбу муваффақиятларида Низановнинг ўзига яраша ҳиссаси бор десак нотўғри бўлмайди. Қуйида футболчи билан бўлиб ўтган суҳбатни эътиборингизга ҳавола этамиз.

- Мен "Нефтчи"да кам ўйин амалиётига эга бўлганим сабабли мавсум олдидан Самарқанд клубида ижарада ўйнаш вариантини танладим. Албатта хар бир жамоада футболчи учун асосий таркибдан жой кафолатланмаган. Ўйинчи яшил майдондаги меҳнатлари орқали мураббийларнинг ишончини оқлагандан сўнг унга расмий ўйинларда имконият берилади. "Динамо"даги фаолиятим давомида кўпроқ меҳнат қилиб, жамоа муваффақиятларида салмоқли ҳиссамни қўшиш билан биргаликда футболчи сифатида ҳам ўсиш ниятидаман. Бу йилги мавсум мен учун ажойиб тарзда ўтмоқда. Олий лигада мунтазам ўйнаяпман. "Динамо" қайд этаётган натижалар ҳам ишқибозларга манзур бўлмоқда. Умуман олган бу мавсум аввалгиларига нисбатан анча қизғин ва томошабоп кечмоқда, - дейди Низанов. 



- "Динамо"нинг бу йилги муваффақиятли мавсум сири нимада?

- Биласизми, Самарқандда жуда аҳил жамоа жам бўлган. Клубдаги ички муҳит аъло даражада десам ҳам бўлади. Бу эса ўз-ўзида жамоанинг ижобий натижаларига замин яратади. Ундан ташқари йигитларнинг ўйинга бўлган шижоати, муваффақият истаги ҳамда меҳнатсеварлиги бизнинг ушбу натижаларимизга сабаб бўлмоқда. Мен шундай фикрдаман.

- Бу йилги мавсумда жамоа қандай вазифа учун курашмоқда?

- Кучли ўнлик вазифаси бор. Бироқ имкон даражасида ундан ҳам юқори кўрсаткичлар қайд этишни истаймиз.

- Дамир, сиз расман "Нефтчи" футболчиси саналасиз.  Иккинчи даврада жамоага қайтишингиз мумкинми ? Умуман Олий лиганинг бошқа жамоаларидан таклифлар мавжудми?

- Ҳозирча Фарғонага қайтиш ёки бошқа клубга кўчиб ўтиш борасида ўйлаганим йўқ. Диққат эътиборим "Динамо"даги фаолиятимга қаратилган. Ҳаммаси вақт кўрсатади.

- "Динамо" мухлислари борасида қандай фикрлар билдирасиз?

- Самарқанд жамоасининг ажойиб мухлислари бор. Уларга гап-сўз бўлиши мумкин эмас. Хар бир беллашувда бизни қизғин қўллаб-қувватлаб туришади.

- Молиявий имконият қандай? Ойлик маошлар вақтида тўланяптими?

- Ҳа, бу борада ҳам муаммо йўқ. Барчаси ўз вақтида бўляпти.


- "Динамо"да мураббийлар штаби қандай ишламоқда?
- Жамоамизда малакали ва тажрибали мураббийлар штаби жам бўлишган. Бу эса ўз натижаларимизда акс этмоқда. Фикримча, бизнинг мураббийлар жамоа имкониятидан келиб чиқиб тўғри тактика танлай олишяпти. Ҳамма гап шунда деб ўйлайман.

- Яқинда оила қурдингиз. Турмуш ўртоғингиз ҳам Самарқанддами?

- Йўқ,  ҳозирча  мен Самарқандда, турмуш ўртоғим эса Нукусда яшаяпти.

- "Нефтчи"нинг бу йилги қайд этаётган ўйини ва натижалари борасида нима дейсиз?

- "Нефтчи" барибир "Нефтчи"! Тез орада Фарғона жамоасининг айни пайтдаги натижалари янада яхшиланади. Бу ҳаммаси эмас. Андрей Фёдоров Фарғонада кучли жамоа ташкил этган. Фарғоналикларнинг ғалабали кунлари ҳали олдинда.

- Мухлисларга тилакларингиз.

- Албатта биринчи ўринда барчани юртимизга кириб келган Моҳи Рамазон ойи билан табриклайман. Барчалари соғ-омон бўлишсин. Мен истардимки, мухлислар стадионни тўлдириб, ўз жамоаларини қўллаб-қувватлашсин. Футболчилар учун бундан катта бахт йўқ.

Ҳожиакбар Жабборов суҳбатлашди.

Рейтинг: +2   

Фикрлар

championat.asia
< сўнгги янгиликларни кўриш
Яндекс.Метрика