Coca Cola Суперлига 17-тур превьюси. "Локомотив" - "Насаф"

Амалдаги чемпион "Локомотив" 17 август куни ўз майдонида Қаршининг "Насаф" клубини қабул қилади. Ўйин 19:15да бошланади. 

Турнир жадвалидаги ҳолат 

- "Локомотив" Суперлига турнир жадвалида 31 очко билан иккинчи ўринда боряпти. "Темирйўлчилар" 16та ўйиннинг 9тасида ғалаба қозониб, 4 бор дуранг ўйнашган ва 3 марта мағлуб бўлишган. Тўплар нисбати 27-12 (+15). 

- "Насаф" эса турнир жадвалида 27 очко тўплаб учинчи ўринни эгаллаб турибди. Қаршиликлар ҳисобида 8 ғалаба, 3 дуранг ва 5 мағлубият бор. Тўплар нисбати 25-15 (+10). 

"Локомотив"

- "Локомотив" уйда очко йиғиш бўйича ҳам иккинчи ўринда. Жамоа 9та ғалабадан еттитасини уйдаги ўйинларда қўлга киритган. 

- "Локомотив" ўз майдонида ютқазмаган икки клубдан бири бўлиб турибди. Яна бири "Пахтакор". Уйдаги беллашувларда тўплар нисбати 21-5.

- "Локо" уйдаги ўйинларда ҳаммадан кам гол ўтказган, -5та. 

- "Локомотив" қаторасига учта ўйиндан бери ўз уйида ғалабага эришмоқда. Жамоа кетма-кет "Сурхон" (5:1), "Сўғдиёна" (2:0) ва "Динамо" (2:0)ни мағлуб этди.

- "Локомотив" шу пайтгача "Насаф"га қарши чемпионат доирасида 29 ўйин ўтказиб, шундан 10тасида ғалабага эришган. 

"Насаф"

- "Насаф" эртага меҳмонда 8-баҳсини ўтказади. Бу жамоа сафарда очко йиғиш бўйича учинчи ўринда боряпти. Қаршиликлар сафар ўйинларида 11 очкони қўлга киритишган. 

- "Насаф" сафарда еттита учрашувдан 3тасида зафар қучиб, икки мартадан дуранг ва мағлубият қайд этган. Тўплар нисбати 9-8. 

- "Насаф" сафарда қаторасига 4 ўйиндан бери ютқазмаяпти. Жамоа ҳисобида уч ғалаба ва бир дуранг бор. 

- "Насаф" охирги тўртта сафар учрашувида "Сурхон" (3:1), "Металлург" (1:0) ва "Бухоро" (1:0)ни мағлуб этиб, "Бунёдкор" билан 1:1 ўйнади. 

- Қаршиликлар сўнгги бор меҳмонда "Андижон" жамоасига 1:3 ҳисобида имкониятни бой беришган. 

- "Насаф" шу пайтгача "Локомотив"га қарши 29 ўйин ўтказиб, шундан 14тасида ғалаба қозонган. 

Тошкентда ўтган охирги 5 ўйин 

2018 йил. "Локомотив" - "Насаф" 3:1 

2017 йил. "Локомотив" - "Насаф" 2:1 

2016 йил. "Локомотив" - "Насаф" 3:2 

2015 йил. "Локомотив" - "Насаф" 1:0 

2014 йил. "Локомотив" - "Насаф" 1:1 

Кўриб турганингиздек, "Локомотив" майдонида бўлиб ўтган охирги бешта учрашувнинг тўрттасида "темирйўлчилар" ғалаба қозонган. Фақат битта баҳс дуранг натижа билан якун топган. Тўплар нисбати 10-5.