"Челси" Мудрикнинг келажаги борасида бир қарорга келди

Британиялик журналист Бен Жейкобснинг сўзларига кўра, Мудрик январь ойида на ижарага берилади, на сотилади. Унинг мавсум ўртасида "Челси"ни тарк этиши ҳақиқатга тўғри келмайди. Клуб футболчини қўллаб-қувватлашда давом этмоқда ва унинг трансфери борасида вариантларни кўриб чиқмаяпти.

Олдинроқ Мудрик учун "Вест Хэм", "Астон Вилла" ва "Марсель" жамоалари даъвогарлик қилаётгани хабар қилинганди.

Мудрик жорий мавсум "Челси" сафида барча турнирларда 16 ўйинда майдонга тушиб, 3 та гол урди ва 4 та голли узатмани амалга оширди. Михайло Лондон клубига 2023 йилнинг январида келиб қўшилган эди.