Championat.asia SPORTRECS билан ҳамкорлик қилади
29 янв 2021 18:44
Янгиликлар

Championat.asia SPORTRECS билан ҳамкорлик қилади

Теглар : Sportrecs.com

Сўнгги йилларда инсониятнинг видеоларга бўлган талаби анчагина ўсиб кетганини ҳеч ким инкор қила олмайди.

Деярли ҳар куни дунё аҳолсининг каттагина қисми янгиликлар, интервьюлар, спорт мусобақалари, мусиқий клиплар, кинофильмлар ва бошқаларни айнан видео томоша қилиш орқали кузатмоқда.

Championat.asia сайти жадал суръатлар билан ривожланиб, географияси соат сайин кенгайиб бораётган SPORTRECS видео тизими билан ҳамкорликни йўлга қўйди.

SPORTRECS - бу спорт мухлислари ва томошабинлари учун мўлжалланган халқаро видео сервис. Ҳар куни бутун дунёдан юзлаб спорт ташкилотлари ўз спорт тадбирларини трансляция қиладилар ва ўз видеоларини SPORTRECS тизимига жойлайдилар. Ушбу тизим 2019 йил декабрь ойида ташкил этилган.

Айни пайтга келиб ҳамкорлар орасида UFC (Russia), Euroleague Basketball, NBA by Megogo, OKKO SPORT, TVNSPORT (Brasil), FNL (Russia), PRVA League (Slovenia) ва бошқалар бор.

Энди сайтимиздаги интервьюларни, лойиҳаларини ва бошқа видео маҳсулотларни ушбу видео тизим орқали қулай тарзда томоша қилишингиз мумкин. Видеоларни ўтказиб юбормаслик учун SPORTRECS.COM сайтидаги championat.asia саҳифасига обуна бўлиш тавсия этилади. Обуна бўлиш учун МАНА БУ ерга босинг ва "СТАТЬ ФАНАТОМ" тугмасини босинг.