“Цементчи” жамоаси янги мавсумда “JOMA” фирмаси либосларида майдонга тушади

Бу - мураббийлари ва раҳбарларининг жамоада олиб бораётган ишлари, жумладан ушбу мавсумдан жамоа аъзоларига яратиб берилаётган шароитларда ҳам кўриниб турибди. Клуб маъмурияти янги мавсумда футболчиларига дунёнинг энг машхур спорт либослари ишлаб чиқарувчи “JOMA” фирмасининг барча комплект либослари  жами 10 ҳил буюмлардан иборат либослар коллексияси билан таъминлайди. Ҳозирда жамоа “JOMA” фирмаси билан шартнома имзолаб буюртмалар бериб бўлди.

Энди мухлислар орасида “Барселона”га ҳам мухлислик қилувчилари янги мавсумдан янада хурсанд бўладиган бўлдилар. Сабаби “Цементчи” янги мавсумда мухлислар ўртасида ўтказилган сўровнома асосида энг кўп овоз тўплаган “Барселона” жамоасининг либосига ўхшаш бўлган тўқ кўк ва тўқ қизил рангли йўл-йўл либосда майдонга тушади.

Биз ҳам жамоага ўша буюк жамоаларнинг омадли ва шонли йўлини беришини тилаб қоламиз!

“Цементчи” жамоаси матбуот котиби Зухриддин Абдуллажонов