"Бухоро"да руминиялик мураббий иш бошлади
05 авг 2020 07:20
Янгиликлар

"Бухоро"да руминиялик мураббий иш бошлади

"Бухоро" мураббийлар штаби яна бир хорижлик мутахассис билан кучайтирилди.

"Бухоро" жамоаси бош мураббийига айланган Жамшид Саидов ўзининг штабига ўзбекистонлик мухлисларга яхши таниш бўлган, руминиялик мутахассис Аугустин Чирицани қўшиб олди. У жамоада доимгидек жисмоний тайёргарлик бўйича фаолият олиб боради.

Ушбу мураббий бундан аввал "Бунёдкор", "Суғдиёна" жамоаларида Сергей Лушанга яқиндан кўмаклашган эди . Шунингдек Ўзбекистон миллий терма жамоасини 2018 йил Уругвайга қарши баҳсга тайёрлашда ёрдам берган.