“Бунёдкор” ёшлари бу сафар “Локомотив”ни йирик ҳисобда енгди (фото+видео)

Мавсумга пухта ҳозирлик кўраётган Александр Мочинов ва унинг шогирдлари бунгача ўтказилган назорат учрашувларида кетма-кет йирик ҳисобдаги ғалабаларга эришаётган эди. Аввалига “Олмалиқ” ёшлари 6:0 ҳисобида тор-мор этилган бўлса, кейинчалик Қозоғистоннинг БИИК жамоаси дарвозасига жавобсиз 7та гол урилди. Бугун эса “Бунёдкор” футбол мактаби стадионида ёш “қалдирғочлар” Аҳмаджон Мусаев бошқарувидаги “Локомотив” ёшларини 5:0 ҳисобида енгдилар.

Учрашувдаги вазиятларга шарҳ ёзиб, алоҳида тўхталиб ўтишимизнинг хожати бўлмаса керак. Боиси ўйинда қайд этилган ҳисобни ўзиёқ умумий тасаввурга эга бўлиш учун етарли, деб ҳисоблаймиз.

Эслатиб ўтамиз, ёш бунёдкорчилар бунгача ўтказилган назорат учрашувларида "Олмалиқ" ёшлари дарвозасига жавобсиз 6та, Қозоғистоннинг БИИК жамоасига эса 7та тўп киритишган эди.

“БУНЁДКОР” (ёшлар) – “ЛОКОМОТИВ” (ёшлар) 5:0 (4:0)
Голлар: Санжар Рихсибоев 2та, Достонбек Ҳамдамов 2та, Темур Аюпов
“Бунёдкор”: Зафар Сафоев, Азизбек Мамазоитов, Саиджон Топилов, Камронбей Кападзе, Рустам Ашурматов, Достонбек Ҳамдамов, Санжар Рихсибоев, Хуршид Ғиёсов, Аҳрор Умаржонов, Шохрух Исломов, Темур Аюпов
Захирадан майдонга тушганлар: Амир Эргашев, Ислом Қобилов, Босит Рихсибоев, Бахтиёр Содиқ-Охунов, Турсун Рахимбердиев
Бош ҳакам: Олим Тўйчибоев (Тошкент)
11 январь. "Бунёдкор" футбол мактаби майдони

“Бунёдкор” – “Локомотив” ёшлари учрашуви суратлари билан ушбу ҲАВОЛАни босган ҳолда танишишингиз мумкин. Баҳснинг видеошарҳини эса қуйидаги линк орқали кўриш мумкин.