"Бунёдкор": Хуршид Ғиёсов ва бошқа дебютлар

Учрашувда Сергей Лушан шогирдлари 2:0 ҳисобида ғалаба қозонишди. Ўйиннинг 81-дақиқасида “қалдирғочлар” таркибида Достонбек Ҳамдамов ўрнига Хуршид Ғиёсов майдонга туширилди. Мьянма мамлакатида ўтган ёшлар ўртасидаги Осиё чемпионати иштирокчиси бўлган Ғиёсов “Андижон”га қарши баҳсда ўзининг олий лигадаги дебют учрашувини ўтказди. 1995 йилда таваллуд топган ярим ҳимоячининг кейинги фаолияти ҳам янада ёрқин давом этишини тилаб қоламиз.

Таъкидлаш жоизки, 2007 йилдан буён олий лигада иштирок этаётган “Бунёдкор” жамоаси сафида элитада ўз дебютини нишонлаган футболчилар сони кўпчиликни ташкил этади. Хуршид Ғиёсов ушбу рўйхатдан 21-футболчи сифатида ўрин эгаллади.

Жорий мавсумда “Бунёдкор” сафида олий лигада дебют қилган футболчилар олтитани ташкил этди. Булар: Хуршид Ғиёсов, Нуриддин Ҳасанов, Акрамжон Комилов, Забихилло Ўринбоев, Достонбек Ҳамдамов ва Темур Аюпов. Шунингдек, бу йил “Бунёдкор” сафида Осиё Чемпионлар лигаси баҳсларида Миржамол Қосимов (24.09.1995) ва Ҳасан Асқаров (17.04.1994) дебют учрашувини ўтказишди. Бир йилда энг кўп дебютантлар кўрсаткичи бўйича 2014 йил алоҳида ўрин тутмоқда.

Умуман олганда, “Бунёдкор” сафида олий лигада дебют қилган энг ёш футболчи ҳақида гап кетганда Миразиз Жалоловни қайд этиш жоиз. У 2007 йил “Металлург”га қарши учрашувда майдонга тушганида 15 ёшу 312 кунлик эди.

Қуйидаги жадвалда “Бунёдкор” сафида Ўзбекистон чемпионатида дебют қилган маҳаллий футболчилар билан танишишингиз мумкин.

№	Футболчи	Ёши	Йил. Учрашув	Дақиқа
1	Хуршид Ғиёсов	13.04.1995	2014. Андижон – Бунёдкор 0:2	9
2	Нуриддин Ҳасанов	20.07.1994	2014. Бунёдкор – Бухоро 5:0	68
3	Акрамжон Комилов	14.03.1996	2014. Қизилқум – Бунёдкор 0:2	90
4	Забихилло Ўринбоев	30.03.1995	2014. Қизилқум – Бунёдкор 0:2	40
5	Достонбек Ҳамдамов	24.07.1996	2014. Қизилқум – Бунёдкор 0:2	27
6	Темур Аюпов	28.03.1993	2014. Сўғдиёна – Бунёдкор 0:2	28
7	Сардор Собирхўжаев	06.11.1994	2013. Бунёдкор – Олмалиқ 4:1	9
8	Алибобо Раҳматуллаев	08.02.1991	2012. Андижон – Бунёдкор 0:2	20
9	Акбар Тўраев	27.08.1989	2012. Бунёдкор – Қизилқум 3:0	15
10	Дилшод Жўраев	21.04.1992	2011. Бунёдкор – Сўғдиёна 1:0	32
11	Расулжон Шуҳратов	08.08.1992	2010. Қизилқум – Бунёдкор 1:0	9
12	Камолиддин Тожибоев	19.01.1990	2009. Бунёдкор – Навбаҳор 6:0	17
13	Санжар Тўрақулов	09.03.1989	2009. Бунёдкор – Динамо 2:0	23
14	Маъруф Аҳмаджонов	22.09.1988	2008. Шўртан – Бунёдкор 0:1	30
15	Миразиз Жалолов	22.02.1992	2007. Бунёдкор – Металлург 1:2	45
16	Дмитрий Кузин	11.07.1991	2007. Бунёдкор – Тўпаланг 4:1	17
17	Мухиддин Худоёров	05.11.1990	2007. Металлург – Бунёдкор 2:1	90
18	Абдуқаҳҳор Хожиакбаров	18.07.1989	2007. Бунёдкор – Металлург 1:2	34
19	Мирғолиб Раимов	02.10.1987	2007. Бунёдкор – Навбаҳор 3:1	3
20	Эрнест Седько	16.04.1987	2007. Машъал – Бунёдкор 0:1	13
21	Фарруҳ Мирюнусов	12.08.1987	2007. Бунёдкор – Металлург 1:2	90

P.S. Мақолада маҳаллий футболчилар кўзда тутилган.