"Самвел Бабаян бундай учрашувларга жамоани қандай тайёрлашни билади" — Боян Миладинович яна нималар деди?

Бироз олдин хорижлик мутахассисларнинг фикрларини эътиборингизга ҳавола қилган эдик. "Пахтакор" таркибида юлдузли онларини ўтказган Боян Миладинович ҳам ўз тахминлари билан ўртоқлашди. 

Навбаҳор Тома Табатадзе - 68'

Суперлига. 16-тур 10/08/2023, 20:00 2 : 1 Тугади

Пахтакор Драган Черан - 30', Муҳаммадқодир Ҳамралиев - 44'

45'

90'

22'  Остон Ўрунов (Дониёр Абдуманнопов)

23'  Жасур Яхшибоев

37'  Дониёр Абдуманнопов

46'  Шаҳбоз Жўрабеков (Филип Иванович )

46'  Жамшид Искандеров (Темурхўжа Абдухолиқов)

57'  Жасур Яхшибоев (Асадбек Собиржонов)

68'  Тома Табатадзе

90'  Йован Жокич (Азим Аҳмедов)

26'  Пшемислав Банашак

30'  Драган Черан

30'  Хожиакбар Алижонов

41'  Драган Черан

44'  Муҳаммадқодир Ҳамралиев

44'  Достонбек Ҳамдамов

46'  Мэтью Стинворден (Шаҳзод Азмиддинов)

46'  Дилшод Саитов (Фаррух Сайфиев)

73'  Пшемислав Банашак (Пўлатхўжа Холдорхонов)

75'  Одилжон Ҳамробеков

78'  Санжар Қувватов

Матч-центрда очиш

- Албатта ўйинни томоша қиламан. Чунки Ўзбекистонда бугун футбол байрами. Мамлакатнинг энг яхши икки жамоаси майдонда учрашади. "Пахтакор" сафида ўйнаган вақтларимда "Навбаҳор"га қарши қийин ўйинлар ўтказар эдик. Айниқса 2014 йил уйда ҳам, сафарда ҳам қийналганмиз. Биринчи даврада 2:1 ҳисобида ғалаба қозондик, сўнгги дақиқада ғалаба голини урганим эсимдан чиқмайди. Қизиғи Наманганда ҳам шундай бўлди, ҳакам томонидан қўшиб берилган дақиқада пенальтидан гол урдим. Бу биз учун ўша мавсумдаги энг мураккаб учрашув эди. Шундан сўнг чемпион бўлишимизга шубҳам қолмаган. 

- Бугунги кунга тўхталадиган бўлсам, "Навбаҳор" сўнгги ўйинда Бекободда дуранг қайд этди. "Қизилқум"ни мағлуб этди. "Пахтакор" "Нефтчи"га мағлуб бўлди, ундан аввал кубокни тарк этди. Чемпионат борган сари қизиқарли тус оляпти. Охирги тургача кураш давом этади. Фикримча "Пахтакор" ва "Навбаҳор" чемпионлик учун сўнгги тургача кура олиб боришади. Қолаверса, "Нефтчи"ни ҳам унутмаслик лозим. Виталий Левченко "Нефтчи"да ўйин сифатини яхшилай олди ва ўз имкониятини кутмоқда. Улар ҳали ютқазгани йўқ.

- "Навбаҳор" бугун фаворит, жамоа ўз майдонида ўйнайди. Юз фоиз ишонаманки, стадион мухлислар билан тўлади. "Пахтакор" захира ўриндиғида Максим Шацких ўтирмайди ("Нефтчи" билан учрашувда қизил карточка олган). Бу ўз таъсирини ўтказмай қолмайди. Рақиб захира ўриндиғида Самвел Бабаян ўтиради. Ушбу мураббий бундай ўйинларда қандай ўйнаш кераклигини, футболчиларни қандай тайёрлашни яхши билади. Ўйлашимча, вазиятлар кўп бўлмаса керак. Ким майдон марказини ўзиники қила олса, ўша жамоа ютади. Аммо бугун "Навбаҳор" фаворит, 60/40.