Бугун яна "Эль Класико"!
16 авг 2017 09:38
Янгиликлар

Бугун яна "Эль Класико"!

Бугун тунда Мадрид шаҳрида дунёнинг энг кучли клублари тўқнаш келишади.

Бир неча йиллардан буён азалий рақиб бўлиб келган "Реал" ҳамда "Барселона" Испания Суперкубоги жавоб баҳсда ўзаро ҳисоб-китоб қилиб олишади.

Якшанба куни Каталонияда бўлиб ўтган дастлабки ўйинда Зинедин Зидан бошчилигидаги "Қироллик клуби" 3:1 ҳисобида зафар қучиб жавоб баҳси олидан имкониятини анча яхшилаб олган эди.

Тошкент вақти билан соат 02:00да бошланадиган бугунги учрашув олдингиларидан ҳам шиддатли ўтишига шубҳа йўқ. Сабаби "Реал" ўз мухлислари қаршисида устунликни сақлаб қолишга ва кубокни қўлга киритишга уринади. "Барселона" эса рақибнинг етакчиси Роналдунинг йўқлигидан фойдаланиб қолишга ҳаракат қилади.

"Реал Мадрид" - "Барселона"
Испания Суперкубоги, жавоб ўйини.
16 август. Мадрид. "Сантьяго Бернабеу" стадиони. 02:00 (Тошкент вақти)
Бош ҳакам - Хосе Мария Санчес Мартинес (Мурсия).
Биринчи ўйин - 3:1