Бугун футбол. "Насаф" - "Нефтчи"
06 май 2017 15:43
Янгиликлар

Бугун футбол. "Насаф" - "Нефтчи"

Бугун "Насаф" Ғузорда "Нефтчи"ни қабул қилади. Учрашув соат 18:30да бошланади.

«Насаф» (Қарши) – «Нефтчи» (Фарғона)
6 май 2017. Ғузор. "Ғузор" стадиони. 18:30
Ҳакамлар: В. Серазетдинов (Тошкент), Ф. Ярмухамедов (Тошкент), Б. Бахромов (Тошкент), А. Нажафалиев (Тошкент)
Назоратчи: А. Арутюнов (Тошкент).
ЎзПФЛ вакили: Ш. Ражабов.

Ўйиндан нима кутяпмиз? Авваллари "Насаф" ва "Нефтчи" ўртасидаги баҳслар жуда шиддатли кечади. Лекин охирги йилларда бу шиддат анча йўқолгандек. Хўш, бугунги ўйин қизиқарли ва курашларга бой тарзда ўтадими? Кўрамсиз, балки шундай бўлиши ҳам мумкин.

Турнир жадвалидаги ўрни: "Насаф" ҳисобида 13 очко бор ва жамоа 6-ўринни эгаллаб турибди. "Нефтчи" эса саккиз ўйиндан сўнг атиги 6 очко билан жадвалнинг 14-поғонасида бормоқда.

Факт: Ўз майдонида учта ўйин ўтказган "Насаф" шунинг ҳаммасини ғалаба билан якунлаган. Қаршиликлар "Бухоро", "Сўғдиёна" ва "Обод"дан устун келишган. "Насаф" бўлиб ўтган мана шу беллашувларда атиги битта гол ўтказиб юборган. Тўплар нисбати 7-1.

Факт: "Нефтчи" бугун сафарда бешинчи ўйинида майдонга тушади. Аввалги тўрт учрашувдан иккитаси Фёдоров шогирдларининг мағлубияти билан якун топган. Жамоа сафарда "Шўртан" ва "Бухоро" клубларига имкониятни бой берган. "Навбаҳор" билан дуранг ўйнаган бўлса, "Сўғдиёна"ни 1:0 ҳисобида мағлуб этган.

Биласизми? "Нефтчи" уйдаги ўйинлардан кўра сафарда кўпроқ очко жамғарган. Уйда 2, сафарда 4, жами - 6 очко.

Факт: "Насаф" охирги бешта ўйиннинг иккитасида ғалаба қозонди. Бердиев шогирдлари "Сўғдиёна" ва "Обод"дан устун келишди.

Факт: "Нефтчи" ортда қолган саккизта ўйиннинг фақат биттасида зафар қучган. "Металлург" ва "Обод" клублари ҳам худди "Нефтчи" каби биттадан ғалабага эришишган.