Бугун Евро-2016 саралашига қуръа ташланади

Қуръа жараёнида 8та гуруҳга 6тадан жамоа ва битта гуруҳга 5та жамоа ажратилади.

Чемпионатнинг финал босқичига ҳар бир гуруҳда дастлабки икки ўринни олган ва энг яхши натижага эришган учинчи ўринни олган жамоа йўлланма олади.

Учинчи ўринни олган қолган 8та гуруҳдаги жамоалар плей-офф орқали Франциядаги чемпионатга йўлланма олишга уринишади.

Тарихда биринчи марта Европа чемпионатида 24та терма жамоа иштирок этади.

1-сават: Испания, Германия, Голландия, Англия, Италия, Португалия, Греция, Россия, Босния ва Герцеговина.

2-сават: Украина, Хорватия, Швеция, Дания, Швейцария, Бельгия, Чехия, Венгрия, Ирландия.

3-сават: Сербия, Туркия, Словения, Израиль, Норвегия, Словакия, Руминия, Австрия, Польша.

4-сават: Черногория, Армения, Шотландия, Финляндия, Латвия, Уэльс, Болгария, Эстония, Белоруссия.

5-сават: Исландия, Шимолий Ирландия, Албания, Литва, Молдова, Македония, Озарбойжон, Грузия, Кипр.

6-сават: Люксембург, Қозоғистон, Лихтенштейн, Фарер ороллари, Мальта, Андорра, Сан-Марино, Гибралтар.

Қуръа ташлаш маросими Тошкент вақти билан соат 16.00да бошланади.

Қуръа ташлаш маросимида УЕФА бош котиби Жанни Инфантинога Рууд Гуллит ва Биксент Лизаразу ёрдам беришади.

Бундан ташқари маросимда Фабьен Бартез, Иво Виктор, Андреас Кепке, Антонис Никополидис, Хосе Анхель Ирибар, Дино Дзофф, Ханс ван Брекелен ва Петер Шмейхель каби Европа чемпионатида ғолиб бўлган дарвозабонлар иштирок этишади.