Бугун Дубайда Ўзбекистон – Хитой ўйини ўтказилади
04 янв 2016 08:45
Янгиликлар

Бугун Дубайда Ўзбекистон – Хитой ўйини ўтказилади

Ўзбекистон олимпия терма жамоаси бугун БААнинг Дубай шаҳрида давом этаётган ўқув-машғулот йиғинини доирасидаги илк ўртоқлик учрашувида майдонга тушади.

Олимпиячиларимизнинг рақиби Хитой терма жамоаси бўлади. 9 январь кунига қадар давом этадиган мазкур якуний йиғин доирасидаги иккинчи ўртоқлик учрашуви 6 январь куни Иордания олимпия терма жамоасига қарши ўтказилиши режалаштирилган.

Йиғин якунига етгач, терма жамоамиз делегацияси ўша ернинг ўзидан тўғри Осиё чемпионатида иштирок этиш учун Қатар пойтахти Доҳа шаҳрига йўл олади. Мазкур қитъа чемпионати Рио-2016 Олимпиадасига йўлланма бериши билан аҳамиятлидир.

Осиё чемпионати якунларига кўра, кучли учликдан жой олган терма жамоаларга тўрт йилликнинг энг нуфузли мусобақасида қатнашиш имконияти тақдим этилади. Олимпиячиларимиз Жанубий Корея, Ироқ ва Яман терма жамоалари билан бир гуруҳдан жой олган.

Ҳавола :

Манба : championat.asia

Янгиликларни Телеграмда ўқинг!

Рейтинг: +4