Бугун 16:00. "Пахтакор" - "Шабаб Ал Аҳли"
10 фев 2020 09:35
Янгиликлар
Бугун 16:00. "Пахтакор" - "Шабаб Ал Аҳли"
Кетма-кет учинчи мавсум “Пахтакор” мавсумни халқаро майдондаги иштироки билан бошлаб беради. Илк ўйин бу сафар БААнинг энг кучли жамоаларидан бири, айни пайтда ўз чемпионатида ишонч билан пешқадамлик қилаётган “Шабаб Ал Аҳли” жамоасига қарши бўлиб ўтади. Дубай шаҳрининг ушбу клуби охирги йилларда мавқеини мустаҳкамлаб, совринларни қўлга киритиб келмоқда.
“Пахтакор” мазкур ўйинга тайёргарлик доирасида Тошкент ва БААнинг Абу Даби амирлигида ўтган йиғин, шунингдек, назорат учрашувлари ўтказди. БААдаги йиғинда “Ростов” (1:1), “Жилина” (0:0) ва “Сувон Самсунг” (1:0) билан беллашувлар ташкил этилди. “Шабаб Ал Аҳли” эса БАА чемпионати учрашувларида майдонга тушди.
“Шерлар” бу рақибга қарши 6 учрашувда майдонга тушган. Улардан иккитаси “Шабаб” ва тўрттаси “Аҳли”га қарши ўтказилган. Ҳозирги жамоа ушбу клублар, шунингдек, “Дубай” жамоаси бирлашувидан ташкил топган. “Шабаб” билан 1:0 ва 1:2 ҳисоблари қайд этилган. “Аҳли” эса 3:2, 1:0, 2:1 ва 2:0 ҳисобларида доғда қолдирилган. Демак, умумий ҳисобда 6 баҳсдан 5тасида "Пахтакор" устун келган. Рақиб дарвозасига 10 тўп киритилиб, 5 гол ўтказиб юборилган.
Ўйинни жамоалардан дисквалификация сабабли ўтказиб юборишга мажбур футболчилар мавжуд эмас.
"Пахтакор" ОЧЛга "заявка"сини эълон қилди
беллашувини иорданиялик ҳакамлар бошқарадиган бўлди. Бош ҳакам сифатида Адҳам Муҳаммад Тума Маҳадмеҳ ишлайди. Ушбу рефери ўтган йили Эронда “Персеполис”га қарши кечган баҳсни бошқариб борган. Ўшанда 1:1 натижаси қайд этилганди. Маҳадмеҳ “Пахтакор” иштирокидаги бошқа ўйинларда ҳакамлик қилмаган.
Учрашув комиссари сифатида кореялик Но Жин Кюн тайинланган бўлса, ҳакамлар назоратчиси Кувайтдан Саад Комил Алфадҳли бўлади.
“ПАХТАКОР” – “ШАБАБ АЛ АҲЛИ”
10 февраль 2020 йил. Тошкент. "Пахтакор" стадиони. 16:00
Ҳакамлар: Адҳам Муҳаммад Тума Маҳадмеҳ, Аҳмад Моаннес Нади, Муҳаммад Мустафо Ҳассан (барчаси Иордания), Сайёджон Зайнидддинов (Тожикистон).
Ҳакамлар назоратчиси: Саад Комил Алфадҳли (Кувайт).
Комиссар: Но Жин Кюн (Корея).
Жалолиддин Машарипов: “ОЧЛда биз рақиблардан эмас, рақиблар биздан қўрқишсин"
"Пахтакор"нинг БАА клублари билан ўйинлари статистикаси
Чемпионлар Лигасида "Пахтакор" БАА жамоаларига қарши 17 учрашувда майдонга тушган.
17 беллашувнинг 11тасида "Шерлар" ғалаба қозониб, 3тадан ўйинда дуранг ва рақиблар муваффақияти кузатилган. 29 тўп киритган "Пахтакор" ўз дарвозасидан 15 гол ўтказиб юборган. Тошкентда ўтган 8 баҳснинг 5тасида "шерлар" зафар қучган, бир дуранг ва икки мағлубият қайд этилган. Сафардаги 9 баҳсда ҳам "Пахтакор" ижобий кўрсаткичлар қайд этган: 6 ғалаба, 2 дуранг ва 1 мағлубият. "Пахтакор" БАА клубларига қарши тўқнашувларда ўзига хос ижобий тажрибага эга деб айтиш мумкин.
"Пахтакор"ҳозирга қадар БАА клубларидан "Аҳли", "Ваҳда", "Айн", "Банияс", "Шабаб", "Жазира" ва "Наср"га қарши учрашувлар бўлиб ўтган. "Аҳли" ва "Шабаб" бирлашишидан аввал ўтказилган баҳсларда "Пахтакор" 6 учрашувдан 5тасида зафар қучиб, бир бор мағлубиятга учраган.
"Ал Аҳли": 3:2, 1:0, 2:0, 2:1
"Ал Ваҳда": 4:0, 1:1
"Ал Айн": 1:0, 3:2, 0:1, 1:1
"Банияс": 1:1, 0:2
"Ал Шабаб": 1:0, 1:2
"Ал Жазира": 3:1, 3:0
"Ал Наср": 2:1
Шота Арвеладзе: “ОЧЛда минимум вазифа - гуруҳдан чиқиш”
Родолфо Аррубарена: “Ғаниев яхши футболчи, лекин...”
Ушбу учрашув олдидан ўтказилган митингда жамоаларнинг эртанги ўйинда ҳаракат қиладиган либослари ранги маълум қилинди. Унга кўра, "Пахтакор" сариқ-кўк рангли либосларда ўйнаса, меҳмон "Шабаб Ал-Аҳли" яшил рангли либосларда ўйнайди.
Фото. "Шабаб Ал-Аҳли"га қарши ўйиндан олдин "Пахтакор" расмий машғулот ўтказди ГАЛЕРЕЯ
Пахтакор Jaloliddin Masharipov - 18', Драган Черан - 70' Лига чемпионов АФК. Группа B . 1-тур 10/02/2020, 16:00
Аль-Ахли Педро Конде - 67'
Ўхшаш янгиликлар
championat.asia
"Челси" - жаҳон чемпиони!
Эшитдик-да! Жаҳон чемпиони бўлган мураббий Ўзбекистон МТЖни бошқариши мумкин
Месси 6 ўйинда 11 та гол уриб, МЛСнинг 7 йиллик рекордини ўрнатди
КЖЧдан сўнг "Олтин тўп" учун ким асосий даъвогар?
Фикрлар