Бруну Фернандешда коронавирус аниқланмади. У "Атлетико"га қарши ўйнаши мумкин

"Манчестер Юнайтед" клуби ярим ҳимоячиси Бруну Фернандешнинг яқиндагина коронавирусга мусбат тест топширгани ҳақида хабар берилганди. Жамоа бош мураббийи Ральф Рангник эса футболчи қайтадан тест топширгани ва унда касаллик аниқланмагани ҳақида гапирди.

"Кеча Брунуни текширишди. Тест манфий чиқди. Шу сабаб ҳам у бугун машғулотларга киришди. 

Ҳозирги пайтда жамоадаги барча ўйинчилар эртанги ўйинга шай. Люк Шоу борасида бироз саволлар бор. Аммо қолган барча ўйинчилар "Атлетико"га қарши майдонга тушишга тайёр", -дейди Ральф Рангник.

Эслатиб ўтамиз, "Манчестер Юнайтед" ва "Атлетико" ўртасидаги баҳс эртага бўлиб ўтади.