Болт: "Шундай клуб тарихининг бир бўлаги бўлганим, унинг ютуқларида ҳиссам борлигидан фахрланаман"
29 май 17:34
Янгиликлар

Болт: "Шундай клуб тарихининг бир бўлаги бўлганим, унинг ютуқларида ҳиссам борлигидан фахрланаман"

Хабарингиз бор, 2 июнь санасида футзал бўйича Ўзбекистон Кубоги финал учрашуви бўлиб ўтади.

Бош соврин учун БМБ ҳамда "Оил Стар" жамоалари кураш олиб боради. Футзал федерацияси матбуот хизмати мазкур баҳс олдидан БМБ сардори Ҳеббертҳ Оливейра Болт билан боғланди.

"Финалга тайёргарлик режадагидек кетмоқда. Биз яна бир бор Ўзбекистон Кубогини қўлга киритиш имкониятига эгамиз. Ушбу жамоада тўп тепишимдан ва клуб тарихининг бир бўлаги бўлганим, унинг ютуқларида ҳиссам борлигидан жуда хурсандман. Ҳозир эса бутун жамоа ўзгача иштиёқ билан мамлакатда яна бир чемпионлик учун курашишга тўлиқ тайёрлигини ҳис қиляпман.
Тўпурарлар пойгаси? Чемпион бўлиш учун астойдил ишлаяпман, бу – менинг асосий мақсадим. Индивиудал натижалар эса иккинчи даражали ҳисобланади", – деди Болт.

Ҳавола :

Манба : Ўзбекистон футзал федерацияси матбуот хизмати

Янгиликларни Телеграмда ўқинг!

Рейтинг: -5