Бобур Расулов: “Ҳакамлар "нафас олдирмаяпти”
21 апр 2016 13:50
Янгиликлар

Бобур Расулов: “Ҳакамлар "нафас олдирмаяпти”

Кеча биринчи лиганинг 4-тур ўйинлари бўлиб ўтди. Уйчида кечган “Хотира-79” – “Ёзёвон-Лочинлари” баҳсида мезбонлар 2:1 ҳисобида ғалаба қозонди.

Учрашувдан сўнг “Ёзёвон-Лочинлари” жамоаси етакчиси Бобур Расулов ўз фикрлари билан ўртоқлашди.

- Ўтган турда Тошкентда кечган “Оқ-тепа” – “Ғиждувон” баҳсида меҳмон жамоа бошлиғи ҳакамлар тўғрисида анчагина куюниб, интервью берганини ўқигандик. Очиғини айтганда, “Ёзёвон-Лочинлари” жамоаси ҳам қора кийим соҳибларидан жабр чекмоқда. Эътибор берган бўлсангиз, ҳар ўйинда дарвозамиз томон пенальти белгиланмоқда. Раҳбарият томонидан ўзи арзимаган 200 000-300 000 сўм пул мукофоти жорий этилади. Шуни олишга харакат қилиб, ютуқ учун чиқамиз. Афсуски бунга қайсидир манода ҳакамлар йўл қўймаяпти. Бугун “Хотира-79”га қарши баҳсда ҳам ҳакам умуман нафас олдирмади... Йигитларнинг футбол ўйнашдан кўнгли совуб кетмоқда. Жуда қийналиб кеттик – дейди Бобур Расулов.

Исломбек Рустамбеков

Ҳавола :

Манба : championat.asia

Янгиликларни Телеграмда ўқинг!

Рейтинг: +4