Бир қатор Футбол Федерациялари раҳбарлари Мираброр Усмоновни табриклашди
30 дек 2013 12:07
Янгиликлар
Бир қатор Футбол Федерациялари раҳбарлари Мираброр Усмоновни табриклашди
«Биз ЎФФ билан турли соҳалардаги ўзаро тажриба алмашувлари ва Осиё футболининг тараққиётига асосланган яқин ҳамкорликка умид билдирамиз», - деб ёзилади Куниянинг табрикномасида.
«ЎФФ Президентлигига қайта сайлангангиз муносабати билан энг самимий табрикларимизни қабул қиласиз», - деб ёзади БАА Футбол Уюшмаси Президенти, ОФК Ижроия Қўмитаси аъзоси Юсуф ал-Серкал. Серкал ўз табрикномасида ҳурматга сазовор Ўзбекистон Футбол Федерацияси Усмоновнинг қайта сайланишидан ташкилотнинг бошқаруви ва ривожланиш йўлида катта катта билим, фойда ва тажриба олишини алоҳида таъкидлайди.
«Шахсан ўз ва Украина Футбол Федерацияси номидан табрикнома йўллаётганимдан хурсандман», - дейилади Украина Футбол Федерацияси Президенти Анатолий Конковнинг табрик хатида. «Фурсатдан фойдаланиб, ҳам шахсий, ҳам федерациялараро алоқаларни ривожлантиришдан манфаатдор эканлигимизни айтиб ўтмоқчиман».
Корея Футбол Уюшмаси Президети (КФУ) Монг Гью Чунг ҳам ўз табригида Усмоновнинг президентлиги даврида қўйилган тамал тоши Ўзбекистон футболига кўп йиллар давомида хизмат қилишини ёзади. «Дунё кўраяптики, Сизнинг раҳбарлигингиз остида ЎФФ ва Ўзбекистон футболи тўғри йўналиш бўйлаб ривожланаяпти. Келинг, давлатларимиз футболининг ривожи учун биргаликда мана шундай ишлашда давом этайлик», - дейди КФУ Президенти.
ЎФФ Президенти Мираброр Усмоновнинг қайта сайланганлиги муносабати билан, шунингдек, Эрон Футбол Федерацияси Президенти Али Кафашиан, Озарбойжон Футбол Федерациялари Уюшмаси Ровнаг Абдуллаев, Қирғизистон Футбол Федерацияси Президенти Семетей Султонов, шунингдек, ОФК Ижроия қўмитаси аъзоси Ташима Казо ва бошқалар Янги йил табриклари илова қилинган табрикномалар жўнатган.
championat.asia
U-17 Жаҳон чемпионати. Ўзбекистон U-17 терма жамоаси пенальтилар сериясида Хорватияни енгиб, кейинги босқичга йўл олди
ЖЧ саралаши. Португалия Роналдусиз рақиб дарвозасига 9 та тўп киритиб, мундиалга чиқди
Португалия ЖЧ йўлланмасини қўлга киритганидан сўнг Роналду қисқа фикр билдирди
"Шармандалик, бу шармандалик!"
Фикрлар