Биласизми? Япония маҳаллий мураббий қўл остида ҳали чемпион бўлмаган
31 янв 2019 15:07
Янгиликлар
Биласизми? Япония маҳаллий мураббий қўл остида ҳали чемпион бўлмаган
Эртага Япония ва Қатар ўртасида Осиё Кубоги финали бўлиб ўтади.
Финал Абу Даби шаҳридаги "Зайед Спортс Сити" стадионида ўтказилади. Бунда ўз тарихида илк бор финалга чиққан Қатар Осиёнинг тўрт карра чемпиони Япония билан ўйнайди.
Қизиқарли маълумот шуки, Япония бунгача тўрт марта чемпион бўлган, бунинг устига фақат хорижлик мураббийлар қўл остида шундай натижага эришган. Хусусан 1992 йил голландиялик Ханс Оофт Японияни илк бор чемпионлик шоҳсупаси сари бошлаб келган бўлса, 2000 йил франциялик Филипп Трусье, 2004 йил бразилиялик Зико ва 2011 йил италиялик Альберто Заккерони бошчилигида "самурайлар" қитъа чемпионлигини қўлга киритишган.
Ҳозир эса терма жамоани Хажиме Мориясу бошқармоқда. Япония маҳаллий мураббий қўл остида чемпион бўла оладими-йўқми, буни эртага билиб оламиз.
Ўхшаш янгиликлар
championat.asia
CAFA Nations Cup. Ўзбекистон 10 киши бўлиб қолган Қирғиз Республикасини йирик ҳисобда енгди. Финалдаги рақиб – Эрон
Бенту қўлдан чиқди, навбат Гжегож Бржэнчшчикиевичга
A Bola: Лёвдан сўнг Бенту ҳам Ўзбекистонга "йўқ" деди
Станислав Черчесов: "Ўзбекистонни умуман билмайдиган ва кўп нозик жиҳатлардан бехабар чет эллик мураббийнинг дарҳол натижа келтиришига ҳеч ким кафолат бера олмайди"
Фикрлар