Биласизми? Суперлигада гол урмаган фақат "Нефтчи" қолди
31 мар 2018 12:03
Янгиликлар

Биласизми? Суперлигада гол урмаган фақат "Нефтчи" қолди

Бугун Суперлиганинг 4-туридан ўрин олган сўнгги учта учрашув бўлиб ўтади.

"Қўқон-1912" ўз майдонида "Навбаҳор"ни қабул қилса, амалдаги чемпион "Локомотив" Олмалиқда АГМК меҳмони бўлади. Яна бир учрашув Тошкентда "Пахтакор" ва "Нефтчи" жамоалари ўртасида кечади.

4-тур баҳслари давом этаётган бир пайтда Суперлигада гол урмаган биргина жамоа "Нефтчи" қолди. Фарғоналикларда тўплар нисбати 0-1 бўлиб турибди. "Нефтчи" бунгача ўз майдонида "Насаф", сафарда "Сўғдиёна" билан 0:0 ўйнади. "Бунёдкор" билан кечган баҳсда эса 0:1 ҳисобида ютқазиб қўйди.

Бугун Фарғона шаҳрининг бош жамоаси Тошкентда "Пахтакор" меҳмони бўлади. Бир пайтлар мазкур жамоалар ўртасидаги тўйнашувлар "ўзбек класикоси" деб юритиларди. Аммо охирги йилларга келиб айниқса "Нефтчи" ўз мавқеини бой бериши натижасида "класико"дан асар ҳам қолмади.

"Нефтчи" бугун голсиз сериясига барҳам бера оладими-йўқми, буни "Пахтакор" стадионида кечадиган беллашув давомида билиб оламиз. Ўйин 20:00да бошланади. Ҳозирча Суперлигада энг кўп тўп киритган жамоалар "Бунёдкор" ва "Насаф" ва "Бухоро" бўлиб туришибди. Ҳар учала клуб ҳисобида 6тадан гол бор.

Ҳавола :

Манба : championat.asia

Янгиликларни Телеграмда ўқинг!

Рейтинг: +5