Биласизми? Олимпиадага йўлланма олган ҳар бир ўзбекистонлик футболчи 100 миллион сўмга эга бўлади
03 янв 2020 17:27
Янгиликлар

Биласизми? Олимпиадага йўлланма олган ҳар бир ўзбекистонлик футболчи 100 миллион сўмга эга бўлади

Хабарингиз бор, 8-26 январь кунлари Таиландда футбол бўйича U-23 Осиё чемпионати бўлиб ўтади.

Мазкур қитъа биринчилиги Токио-2020 Олимпиадаси учун лицензия тақдим этиши билан ҳам аҳамиятлидир.

Қайд этиш лозимки, Ўзбекистон Миллий олимпия қўмитаси Токиодаги Олимпия ўйинларига йўлланма олган ҳар бир спортчи учун 100 миллион сўм тақдим этади. Шу қаторда, агар терма жамоамиз аъзолари Олимпиадага йўл ола билишса, ҳар бир футболчига 100 миллион сўм миқдорида мукофот пули тақдим этилади.

Эслатиб ўтамиз, Любинко Друлович бошчилигидаги терма жамоамиз Осиё чемпионатидаги илк ўйинини 9 январь куни Эронга қарши ўтказади. 12 январь куни хитойликларга қарши баҳс бўлса, 15 январда Жанубий Корея вакиллари билан беллашув ташкил этилади.

Ҳавола :

Манба : olamsport.com

Янгиликларни Телеграмда ўқинг!

Рейтинг: +39