Биласизми? Иккинчи даврада олтита жамоа мағлубиятсиз давом этмоқда

Бу 24та ўйин ўтказилди дегани. Мана шу уч тур ўйинларини оладиган бўлсак, олтита жамоа ҳали мағлуб бўлмади ва энг кўп очко жамғарди. Булар - "Локомотив", "Бунёдкор", "Бухоро", "Пахтакор", "Навбаҳор" ва "Машъал" клублари. Бу жамоалар орасида энг кам очко йиққан "Пахтакор" (5 очко) бўлиб, Шота Арвеладзе жамоаси бир марта ғалабага эришиб, икки бор дуранг ўйнади. 

Бошқалар эса ҳозирча еттитадан очко йиғишди. Яъни, қолганлар ҳисобида иккитадан ғалаба ва бир дуранг бор. Умуман очко йиғмаган биргина "Обод" бўлиб турибди. Уч ўйин - уч мағлубият. Шунингдек, "Сўғдиёна" билан "Динамо" бор-йўғи бир очко тўплаган. "Нефтчи" ҳисобида эса икки очко мавжуд. 

Қуйида олий лига клубларининг иккинчи даврада қанча очко жамғарганини кетма-кетликда келтириб ўтамиз. 

1. "Локомотив" - 7 очко
2. "Бунёдкор" - 7
3. "Бухоро" - 7
4. "Машъал" - 7
5. "Навбаҳор" - 7
6. "Пахтакор" - 5
7. "Қизилқум" - 4
8. "Шўртан" - 4
9. "Олмалиқ" - 4
10. "Насаф" - 3
11. "Металлург" - 3
12. "Қўқон-1912" - 3
13. "Нефтчи" - 2
14. "Динамо" - 1
15. "Сўғдиёна" - 1
16. "Обод" - 0

Х.Холиқов