Бикмаев қайтди, россиялик легионер ҳам шу ерда. "Локомотив"нинг ёмғир остидаги қувноқ машғулотидан галерея

Денис Коростиченко бошчилик қилган бугунги машғулотлар ноқулай об-ҳаво шароитига қарамай кўтаринки руҳда кечди. Бош мураббий Мирко Йеличич эртага таътилдан қайтади ва ишга киришади. Шиме Жужул, Боян Найденов ҳам шу кунларда келиб қўшилиши режалаштирилган. Жами 21 нафар футболчи иштирок этди.  Клуб билан расман шартнома имзолаганлардан Иван Соловьёв ва Марат Бикмаев шуғулланди. Олег Зотеев ҳозирча спорт формасини ушлаб туриш мақсадида "темирйўлчилар" билан бирга бўлиб турибди. 

"Локомотив"нинг Тошкентдаги йиғини 19 январь санасигача давом этади. 20 январдан машғулотлар Туркиянинг Анталия шаҳрига кўчади. У ерда бир қатор хориж жамоалари билан ўртоқлик учрашувлари ўтказиш режалаштирилган. Рақиблар ҳақида қуйидаги ҳаволада ўқишингиз мумкин.

"Локомотив" Туркияда қайси жамоаларга қарши ўйнайди?

ФОТО: Жаҳонгир Файзуллаев

Қолган суратларни сайтимизнинг махсус бўлимида томоша қилишингиз мумкин >>>>>>>>> ГАЛЕРЕЯ