Бахтиёр Ашурматов: "Шоғуломов билан Мамажонов навбатдаги йиғинимизга келиб қўшилади"

Жумладан яқинда "Бунёдкор" вакиллари Ориф Мамажонов билан Алишер Шоғуломовни "лочинлар" жамоасига ўтаётгани ҳақида хабарлар урчий бошлади. Бунга аниқлик киритиш мақсадида бош мураббий Бахтиёр Ашурматовга мурожаат қилдик.

- Юртимизда ёққан қалин қор ва об-ҳавонинг инжиқлиги режамизга бироз ўзгартириш киритди. Футболчиларга қисқа муддатли дам берганмиз. Насиб қилса 6 февраль куни яна Тошкентда футболчиларни йиғамиз. Чиндан ҳам Шоғуломов билан Мамажоновнинг "Навбаҳор"га ўтиши кутилмоқда. Бу футболчилар "Бунёдкор" билан Дубай йиғинидан қайтиб келганидан сўнг, ўзаро маслаҳатлашган ҳолда шундай қарорга келдик. Улар навбатдаги йиғинимизга келишадиган бўлди. Ҳозирча улардан ташқари янги футболчилар йўқ. Жамоани тарк этадиган ўйинчилар бор. Аммо ҳозирча уларинг номларини айтмаганимиз маъқул", - дейди Ашурматов.

Исломбек Рустамбеков.