"Бавария" футболчиси фаолиятини "Фламенго"да давом эттиради
06 июн 2019 10:12
Янгиликлар

"Бавария" футболчиси фаолиятини "Фламенго"да давом эттиради

"Бавария" ҳимоячиси Рафиньянинг жамоадан кетиши тобора ойдинлашиб бормоқда.

У фаолиятини Бразилиянинг "Фламенго" жамоасида давом эттиришга яқин. "Twitter" тармоғида 33 ёшли футболчининг жамоадан кетаётганлигига ишора қилувчи видео тарқалди. Расмий маълумот яқин кунларда эълон қилиниши кўзда тутилган.

Рафинья "Бавария"га 2011 йилда келиб қўшилган. У мюнхенликлар таркибида 7 марта Германия чемпионлиги, 3 марта Германия Кубоги ва 3 марта мамлакат Суперкубогини қўлга киритган. Шунингдек, футболчи Чемпионлар Лигаси, УЕФА Суперкубоги ва Клублар ўртасидаги жаҳон чемпионати ғолиби саналади.

Бразилиялик футболчи жорий мавсум барча турнирларда 31та ўйинда майдонга тушиб, 1та гол ва 2та ассистга эришган.