“Вальверде жуда-жуда бахтиёр. Унда жамоа билан ижобий натижа қайд этиш учун барча хислатлар мужассам. У ёшлар футболини яхши кўради ва энг муҳими унинг қарашлари “Барселона” ўйин услубига мос келади”, — дея Бартомеунинг сўзларидан иқтибос келтирмоқда Marca нашри.
Яна бир бор эслатиб ўтамиз, Вальверде “Барселона” билан 2 йиллик шартнома имзолади. У 1988-1990 йилларда футболчи сифатида “Барселона” шарафини ҳимоя қилган. 53 ёшли мутахассис бош мураббийлик постида Луис Энрикени алмаштирди.
