“Барселона” Неймардан 75 млн евро товон пули талаб қилмоқда
13 фев 2018 23:23
Янгиликлар

“Барселона” Неймардан 75 млн евро товон пули талаб қилмоқда

ФИФА “ПСЖ” ҳужумчиси Неймарнинг “Барселона”дан талаб қилаётган 40 млн евролик бонус пули Каталония жамоаси томонидан тўланмаслигини маълум қилганди.

Бразилиялик ҳужумчи ўтган йилнинг август ойида “Барселона”дан 222 млн евро эвазига “ПСЖ”га кўчиб ўтганди. Неймар ўзининг собиқ жамоасидан 2016 йили амалдаги шартномасини узайтиргани учун бонус талаб қилди.

Форвард сўраётган сумма 40 млн еврони ташкил қиларди. ФИФА жараённи ўрганиб чиқиб, 26 ёшли Неймарнинг талабини қондирмади. Футболчи ФИФАнинг бу жавобидан сўнг судга мурожаат қилди.

Ўз ўрнида “Барселона” ҳам шартнома бандларини бузгани ва бунинг натижасида клубга молиявий зарар етказгани учун Неймардан 75 млн евро товон пули ундиришни сўраб судга ариза ёзган.