UZ

Сўнгги янгиликлар

00:17Одил Ҳамробеков биринчи даврада унга энг кўп қийинчилик туғдирган футболчи кимлигини айтди  0 00:09Клублар ўртасидаги ЖЧ-2025. "Фламенго" - "Бавария" баҳсининг асосий таркиблари маълум қилинди  0 23:48Элдор Мойлиев: "Яккакурашларда ютқазсангиз, ҳеч қанақа тактика ёрдам бермайди"  0 23:33Михаил Еремчук: "Ғалаба учун аввало футболчиларга раҳмат"  2 23:30Суперлига. "Бухоро" ва "Бунёдкор"дан камбэк  1 23:14Иван Бошкович: "Ҳеч кимнинг бошини ёрмоқчи эмасман. Биз бундай ҳолатларга тайёр бўлиб боряпмиз"  3 22:56Клублар ўртасидаги ЖЧ. ПСЖ "Интер Майами"га имконият қолдирмади  153 22:45Илёс Зейтуллаев: "Бундай ажойиб ҳиссиётларни фақатгина футбол бера олади. Носир Абдусаломовни ўтган йилдан бери кузатиб келаман"  2 22:15Осиё Кубоги саралаши. Ўзбекистон аёллар терма жамоаси Шри-Ланкани 10:0 ҳисобида тор-морт этди. Нилуфар Қудратовадан "покер"  1 21:55Суперлига. "Бухоро" камбек амалга ошириб, "Шўртан"ни мағлуб этди   13 21:18Моуриньюга "Манчестер Сити" ҳимоячиси керак  0 20:56"Бунёдкор" суперкамбэк эвазига "Сўғдиёна"ни мағлуб этди  15 20:20Абраҳам "Рома"га қайтди  2 19:27Юрген Клопп: "Ғалати эшитилиши мумкин, энди мураббийлик қилишни истамайман"  4 18:49"Челси" янги стадион қурмоқчи  1

"Барселона" футболчилари клуб базасига қандай машиналарда ташриф буюришди ва уларнинг нархи қанча? Янгиликлар

"Барселона" футболчилари клуб базасига қандай машиналарда ташриф буюришди ва уларнинг нархи қанча?

Кеча, 6 май куни "Барселона" футболчилари Испанияда карантин эълон қилингандан сўнг илк марта Каталония клуби базасига ташриф буюришди.

Клуб вакиллари машғулотларга қайтиш учун базада коронавирусга тест топширишди. Футболчилар "Барселона" базасига ўз машинасида етиб келишди. Биз Каталония клуби вакиллари қандай машиналардан фойдалангани ва уларнинг нархи билан қизиқдик.



Португалиялик Нельсон Семеду фойдаланётган автомобил Mercedec-Benz компаниясининг G классига тегишли AMG G 63 SUV модели ҳисобланади. Оддийроқ қилиб айтадиган бўлсак - Гелендваген. Ушбу "тойчоқ"ни 195 000 АҚШ долларига харид қилиш мумкин.



 Қимматбаҳо буюмларни хуш кўрувчи чилилик Артуро Видаль машина сотиб олишда ҳам пулни аямаган. BRABUS 800 - MERCEDES-AMG G63 деб номланувчи автомобилнинг нархи 366 000 еврони ташкил қилади. Маълумот учун: BRABUS - машина ишлаб чиқарувчи компания эмас, улар транспортларнинг тюнинги билан шуғулланади.



Бразилиялик Артур эса чилилик Артурдан анча арзон машина минади. Ушбу Range Rover SVR нинг нархи -  115 000 доллар. 575 от кучига эга "тулпор"нинг максимал тезлиги 210 км/соат.



Луис Суарес қитъадоши Артур Мело каби Range Rover дан фойдаланади. Бироқ уругвайликнинг RANGE ROVER SPORT AUTOBIOGRAPHY DYNAMIC номли машинаси бироз арзон - 89 000 доллар.



Френки Де Йонг базага Porsche Cayenne Turbo Coupé машинасида ташриф буюрди. 550 от кучига эга ушбу автомобиль 3,9 сония ичида 100 км/соат тезликка эришади ва унинг максимал тезлиги 286 км/соатни ташкил қилади. Нархи - 130 000 доллар.



Жерар Пике футболда катта тезликда югура олмасада, унинг машинаси ўзининг максимал тезлиги билан мақтана олади. 568 от кучига эга Aston Martin Vanquish соатига 324 км. тезликка эришиши мумкин.



6 май куни "Барселона" спорт шаҳарчасига ташриф буюрган футболчилар орасида энг қиммат машиналардан бирини Антуан Гризманн миниб келди. Rolls-Royce Cullinan номли "темир тулпор"нинг нархи 325 000 доллардан бошланади.  Ушбу люкс автобомил 571 от кучига эга.




Лионель Месси дунёга машҳур Mercedec-Benz компаниясининг AMG GLE 63 S 4MATIC Coupe номли моделида клуб базасига ташриф буюрди. Ушбу "темир тулпор"нинг нархи 119 000 долларни ташкил қилади. 585 от кучига эга машина 4,2 сонияда 100 км/соат тезликка эриша олади.


Жасур Асланов тайёрлади. Суратлар Gettyimages сайтидан олинди.

Рейтинг: +27   

Фикрлар

championat.asia
< сўнгги янгиликларни кўриш
Яндекс.Метрика