"Барса" қишда Люк де Йонгдан қутулмоқчи. Куманнинг истеъфосидан сўнг унга ишонч билдирилмаяпти
28 окт 2021 14:51
Янгиликлар

"Барса" қишда Люк де Йонгдан қутулмоқчи. Куманнинг истеъфосидан сўнг унга ишонч билдирилмаяпти

Ҳужумчи Люк де Йонг қишки трансфер ойнасида "Барселона"дан кетиши мумкин.

31 ёшли ўйинчининг трансферини талаб қилган мураббий Роналд Куман истеъфога чиқарилганидан сўнг, ҳужумчи ортиқ "кўк-анорранглилар"нинг режаларига кирмайди.

Каталонияликлар январда нидерландиялик футболчининг бошқа клубга ўтишини таъминлаб беришади.

"Барселона" де Йонгни ёзда "Севилья"дан бир мавсумга ижарага олганди. Қоидага кўра, футболчи мавсум давомида учта жамоада ўйнай олмайди, аммо де Йонг бу йили "Севилья" таркибида умуман ўйин ўтказмади, шу сабаб трансфер барча томонларнинг келишувига кўра амалга ошиши мумкин.

Форвард "Барселона" таркибида 6та ўйинда майдонга тушиб, 1та гол уришга эришди.

Ҳавола :

Манба : Diario Sport

Янгиликларни Телеграмда ўқинг!

Рейтинг: +3