Азиз Ҳайдаров "Ростов"га ўтмаганлиги ҳақида гапирди
23 апр 2020 16:50
Янгиликлар

Азиз Ҳайдаров "Ростов"га ўтмаганлиги ҳақида гапирди

Теглар : Ал Шабаб Азиз Ҳайдаров Бунёдкор

Ўзбекистон миллий терма жамоаси собиқ футболчиси Азиз Ҳайдаров "Бунёдкор"да ўйнаб турган пайтларда "Ростов"га ўтмагани ҳақида гапирди.

Футболчи бу ҳақда сайтимиз томонидан ташкил этилган "Тезкор студия"нинг онлайн видеоконференциясида маълум қилди.

"Мен Осиё Кубоги-2011дан сўнг "Бунёдкор"да ярим мавсум ўйнадим ва "Ал Шабаб"га йўл олдим. Унга қадар мавсум олдидан Анзур Исмоилов Хитойга кетганди. Австриядаги йиғин пайтида "Ал Шабаб"га кетмоқчи бўлиб юрган пайтим, Вадим Абрамов менга "Ростов"га ўтишим кераклигини айтди. Машғулот ўтказаётган пайтим Карленович майдон марказидан дарвоза тўсини ёки устунини нишонга ола билсам, "Ал Шабаб"га йўл олишимни, акс ҳолда "Ростов"га кетишим кераклиги борасида шарт қўйди. Мен тепган тўп эса дарвоза тўсинига тегди ва БАА жамоасига йўл олдим", - дейди Ҳайдаров.

Эслатиб ўтамиз, Азиз Ҳайдаров айни дамда ЎФА терма жамоалар бошлиғи лавозимида ишламоқда.