Азар вақтинча ОАВ вакиллари билан учрашмайди

«Реал» Бельгия футбол федерациясига футболчи борасида мурожаат билан чиққан. Азар ушбу ҳафтада «қироллик клуби»нинг аъзоси сифатида расмий тарзда эълон қилинганди. Шу сабабдан, мадридликлар раҳбарияти 28 ёшли вингерни 13 июнь санасида бўлиб ўтадиган таништирув маросимига қадар, журналистлар билан кўришмасликка чақирган.

Эслатиб ўтамиз, Эден Азар Евро-2020нинг саралаш баҳси доирасидаги Қозоғистонга қарши ўйинда (3:0) майдонга тушиб, ўз ҳисобига голли узатма ёзиб қўйганди. Бельгияликлар «I» гуруҳидаги 4-тур баҳсини 11 июнь куни Шотландияга қарши ўтказади.