Азамат Аланиязов учун мавсум якунланди
06 ноя 2018 14:29
Янгиликлар

Азамат Аланиязов учун мавсум якунланди

Наманганнинг “Навбаҳор” жамоаси ҳужумчиси Азамат Алланиязов бир неча турдирки жамоаси таркибида майдонга тушмаяпти.

Маълум бўлишича, у Суперлига 24-турида “Металлург”га (0:0) қарши баҳсда жиддий жароҳат олган. Дастлабки текширувларга кўра, қўлидан жароҳатланганлиги боис футболчи “гипс”да юрган. Бироқ қайта текширув натижаларига кўра, қўл суяги “гипс”дан сўнг нотўғри битишни бошлаган. Натижада футболчи жарроҳлик столига ётишга мажбур бўлди.

- Операциядан сўнг айни пайтда уйда, жароҳатимни даволаш билан бандман, - дейди Азамат Алланиязов.

Эслатиб ўтамиз, жорий мавсумдан бошлаб “Навбаҳор” шарафини ҳимоя қилаётган қорақалпоғистонлик ҳужумчи Суперлига-2018 беллашувларида 20та учрашувда майдонга тушиб, рақиблари дарвозасини 4 марта ишғол этган.