Ахбор Имомхўжаевнинг таваллуд айёмидан фотомақола

Шу муносабат билан, куни кеча бунёд этилиб, фойдаланишга топширилган паралимпия қўмитасининг биносида устознинг туғилган кунларига бағишланган кеча бўлиб ўтди. Мазкур тадбирнинг эсда қоларли суратларини эътиборингизга тақдим этамиз.

Бу мақолани, ҳеч иккиланмай "МЭТРЛАР ДАВРАСИДА", - деб ҳам аташимиз мумкин.

"News Arena" газетасининг бош муҳаррири, Фазлиддин Сатторов нашрнинг мазкур сонини устоз учун бағишлади. Ахбор дода икки фарзанди, Аброр ва Зафар Имомхўжаевлар билан меҳмонларни кутиб олишга шайланиб туришибди.

Илк меҳмонлар ҳам кела бошлади. Биринчилардан бўлиб, ўзбек футболининг тирик афсонаси, Биродар Абдураимов мажмуага ташриф буюрди.

60-70 йиллар футболини ёд этар эканмиз, уни Тўлаган Исоқовсиз тасвирлаб бериш қийин. Ахбор Имомхўжаев эса айнан у кишининг ўйинларини шарҳлаган кам сонли сухандонлардан бири бўлган.

Биродар Абдураимовнинг ёнида, Ахбор Имомхўжаев билан елкама-елка туриб фаолият олиб борган Владимир Сафаров. Владимир Ашотовични шубҳасиз, ўзбек футболининг статистика қироли деб айтишимиз мумкин.

ЎФФнинг фахрийлар кенгаши раиси - Наримон Жалолов, федерация номидан устозга тўн кийдиряпти.

Осиё ўйинлари ғолиблари, Миржалол Қосимов, Азамат Абдураимов, Илҳом Шарипов ва Абдусамад Дўрмонов, уларнинг қаторида Алексей Евстафеев.

Юбилярга тўн кийдирилмоқда.

Табиийки, уларнинг орасида Миржалол Қосимов ҳам бор.

Эсдалик учун суратга тушамиз...

Юрий Вазгенович, ўзининг ичак узди латифалари билан келганларни кулдиряпти.

Кетиш олдидан, дуо...

Фотомақола муаллифи Нодирхўжа Юлдашев